Perengka di guna :
Tulang kerigai babi udah di putung umbas ia pemesai.
2 carrots
4 igi ubi gentang
lia
bawang telu (besai)
bawang putih (2 cloves) ka ribai.
2 sudu minyak makai
garam
lada
2 liter ai amat
cara ngaga :
Sedia ke periuk 'pressure cooker'. Angat ke 2 sudu minyak makai. Guring lia enggau bawang telu, ke sama udah di putung umbas ia pemesai mega. Kira ke bau udah angkat mimit, tabak ke carrot enggau ubi gentang (udah di buai kulit serta dibasu). Udah nya baru nabak ke tulang ke udah diketak nitih ke peneka ati. Tuang kira 2 liter ai ke dalam periuk, anang enda ingat ke garam enggau lada enggau bawang putih ke udah di 'pecah' ke pemanah bau aja. Teju ke melidih dalam periuk kira sejam ba atas api anang kelalu mau iga.
Enti bisi lubak masin tauka daun sup, anang enda ingat ga. Suping tadi enda ingat meli daun sup, tang aku rindu makai sup tu enggau 'pickles', bala aku enda entu ka makai lubak masin.
6 comments:
maya aku ngabas post nuan tu, gambar sup tulang babi nuan nadai pansut. Nama kebuah ka?
Enda nemu kebuah gambar nya kekadang tau lesap. Tu udah diadu.
Apuu....sedap lauk nuan. Nadai kala aku manduk sup tulang babi enggau karot & potato.
Bisi stock tulang babi, ka aku nguji malam pagila.
thanks, laban ari blog nuan tu aku bisi ideal bepanduk ka lauk ka kami sebilik. Kadang enda nemu nama ka dipanduk.
Wai, aku udah mandok tulang babi nitih ka resipi nuan, tapi aku enda sempat ngambi gambar laban aku maduk iya pagi tadi.
Guai-guai ka nurun kerja. Sedap ko Fr. R. Thanks.
Haram makan babi
Haram bagi mu,sedap bagi kami.. malah membuat semakin pintar😁
Post a Comment